விஷம் தீண்டி மரணம்

விஷம் தீண்டி மரணம்

பிறப்பும் இறப்பும் மானுட வாழ்வில் தவிர்க்கமுடியாதது. இதன் இடைப்பட்ட காலமே வாழ்க்கை. வாழ்க்கையின் அர்த்தம் புரியாமலேயே வாழ்வை வாழ்ந்துகொண்டிருக்கிறோம்.

உலகில் பிறக்கும் அனைத்து உயிரினங்களும் ஒருநாள் இறந்துதான் ஆகவேண்டும். ஆசனங்கள் மற்றும் சில பயிற்ச்சிகள் மூலம் வாழ்நாளை நீட்டிக்கமுடியுமே தவிர இறப்பை தவிர்க்கமுடியாது.

மூப்பு எய்தி இறப்பவர்கள் பாதிபேர் எனில், தற்பொழுது துர்மரணம் எய்துவோர் எண்ணிக்கைதான் அதிகம். விஞ்ஞான வளர்ச்சி என்கிறபேரில் வாகனங்கள் எமனாக இருக்கிறகாலம் இது.

இதுபோலவே விஷஜந்துக்களால் உயிர் இழப்பவர்கள் சிலபேர். மொத்தத்தில் இறப்பு எப்படி நம்மை தீண்டும் என்று நமது ஜாதகம் மூலம் அறியலாம். ஒருவர் விஷஜந்துக்களால் கடிபட்டு உயிர் இழப்பாரா என்பதை ஜாதகம் மூலம் அறியலாம்.

அதாவது ஜனன ஜாதகத்தில் 8ம் இல்லத்தில் செவ்வாய் இருந்து ,சூரியனோடு பாம்பும் சேர்ந்து நின்றால் அச்சாதகன் விஷம் தீண்டி மரணம் எய்துவான். 

சத்திரம் கட்டி அனைவருக்கும் உணவளிப்பவன்

சத்திரம் கட்டி அனைவருக்கும் உணவளிப்பவன்

உணவு, இன்றியமையாதது. இது இல்லாமல் யாரும் இல்லை என்றே கூறலாம். பிறந்தது முதல் நாம் உடல் ஆரோக்கியமுடனும், உயிர் வாழ இன்றியமையாததும் உணவு.

சிலர் டயட் என்கிறபேரில் பெருத்த உடலை குறைக்க உணவை குறைத்தும் அல்லது உண்ணாமல் ஃபாஸ்டிங் என்றும் உலவிவர, நமது நாட்டிலேயே அன்றாட ஒரு வேலை உணவிற்க்கு வழியில்லாமல் பட்டினியால் வாடுவோரும் இருக்கத்தான் செய்கின்றனர்.

இப்படி உணவுக்கு கஷ்டப்படுவோருக்கு யாராவது உணவு அளித்தால், இவர்களுக்கு அவர்கள் தெய்வமாக தெரிவார்கள். ஒருவருக்கு வயிறார உணவு அளிப்பது பெரிய விஷயம்,புன்னியமும் கூட.

ஒருவருக்கே இந்நிலை எனில் பல பேருக்கு உணவளிக்க வேண்டுமெனில் அதற்க்கு நல்ல மனமும், புண்ணியமும் அதற்கான போதிய போதிய வருமானமும், எல்லாவற்றிற்க்கும் மேலாக அதற்கான அமைப்பும் வேண்டும்.

அதாவது அவனது ஜாதகத்தில், 10ம் அதிபதி 4ம் வீட்டில் அமர்ந்து, லக்ன அதிபதி திரிகோணத்தில் நின்றால் அந்த ஜாதகன் இதுபோன்ற அனைவருக்கு உணவளிக்கும் வகையில்  சத்திரம் கட்டி மற்றவர்களின் பசியாற்றுவான். தெய்வத்தின் மறுவுருவாக மற்றவர்க்கு தெரிவான்.  

புதையல் யாருக்கு?

புதையல் யாருக்கு?

பணம், பணம், பணம் .எங்கு பார்த்தாலும் பணம். எதற்கெடுத்தாலும் பணம். மனிதன் தனது உண்மையான தேடலை விடுத்து எப்பொழுதும் நிலையில்லாது இருக்கும் பணத்தின் மீதே ஆர்வம் போகின்றது.

இதில் குறைகூற ஒன்றும் இல்லை, ஏனெனில் பணம் இருந்தால் தான் சமூகத்தில் மதிப்பும் மரியாதையும் இருக்கும். பணம் இல்லாவிட்டால் ஏன் சமூகத்திற்க்கு போக வேண்டும்! வீட்டில் கூட மரியாதை இருக்காது.

இப்படிப்பட்ட இன்றியமையாத பணத்தை அடைய அனைவரும் உழைத்துக்கொண்டுதான் இருக்கின்றனர். பெற்றோரை விடுத்து, கட்டிய மனைவியை பிரிந்து, பெற்ற பிள்ளையின் முகத்தை வருடக்கணக்கில் காணாமல் பணத்தின் பின்னே ஓடி ஓடி சம்பாரிக்கின்றனர்.

பலபேர் இரவும் பகலுமாக உளைத்தும் போதிய வருமானம் இல்லாமல் இருக்கின்றனர். சிலருக்கோ ஒன்றும் செய்யாமலே பணம் தானாக தேடி வரும். உதாரணமாக புதையலோ அல்லது வேறு மறைமுக வழியிலோ வந்து சேரும். இப்படி நோகாமல் பணம் கிடைப்பதற்க்கும் ஜாதகத்தில்  அமைப்பு வேண்டும்.

அதாவது ஜனன ஜாதகத்தில் ராகு லக்னத்திற்க்கு 6 ம் இடத்திலும், கேது 12 ம் இடத்திலும், தேவகுரு கேந்திரத்தில் நின்றால் அந்த ஜாதகனுக்கு புதையல் கிட்டும். அதாவது எதிர்பாராமல் பணம் அல்லது பொன்னோ நிச்சயம் வந்து சேரும்.

காலம் முழுவதும் கஷ்டபடுவோர் இருக்கையில் ,சிலருக்கு இப்படியும் அதிர்ஷ்டம் அடிக்கும். எல்லாம் அவரவர்கள் வாங்கிவந்த வரம்.

சில பொன்மொழிகள்:

பணம் இருந்தால் உன்னை உனக்குத் தெரியாது. பணம் இல்லாவிட்டால், யாருக்கும் உன்னைத் தெரியாது.
-ஸ்மித்.

பணக்காரனாய் சாக வேண்டும் என்பதற்காக வறுமையில் வாழ்வது வடிகட்டிய முட்டாள்தனம்
- ஜீவெனால்.

பணக்காரன் ஆக வேண்டுமா? அதற்குப் பணத்தைக் குவிக்க வேண்டியது இல்லை. தேவைகளைக் குறைத்துக் கொள்.
-வீப்பர்.

மிகுந்த தனம் கொண்ட ஜாதகன்

மிகுந்த தனம் கொண்ட ஜாதகன்

கூறினேன் கலைமதியும் ஒன்றில் நிற்க குருவெள்ளி தேர்ப்பாகன் ஆரேழெட்டில் மாரினேன் மற்றோர்கள் மூன்றுபத்து மைந்தனே லாபத்தி லமர நன்று சீரினேன் செம்பொன்னும் கோடியுண்டு சிவசிவா சீர்பெருகும் செல்வமுள்ளோன் தேரினேன் காலாள்கள் மெத்தவுண்டு திடமாகப் புலிப்பாணி தெரிவித்தேனே.

இன்னுமொன்று இலக்கினத்தில் பூர்ண கலையுள்ள சந்திரன் நிற்க, குரு, சுக்கிரன், புதன் ஆகியோர் முறையே 6,7,8, ஆகிய இடங்களில் நிற்க மற்றையோர் 3,10,11 ஆகிய இடங்களில் அமர்ந்திருப்பின் அச்சாதகன் நன்மையான பலன்களையே அடைகிறான். சிறந்த செம்பொன் கோடி கோடியாய் அவனுக்கு வாய்க்கும். சிவபரம் பொருளின் பேரருட் கருணையால் செல்வச்சீர் பெருகிப் காணும். மிகத் தனவந்தனான அவன் தேர்ப்படையுடன் காலாட்படையும் மெத்தவுடையன் என்று போகமா முனிவரின் அருளாணை பெற்ற புலிப்பாணி கூறினேன்.

நாடாளும் மன்னன்

நாடாளும் மன்னன்

பாடினேன் நின்னமொன்று பகரக்கேளு படவரவு பரமகுரு சேர்ந்துநிற்க கூடினேன் குளிர்ந்தமதி அருகில் நிற்கக் கொற்றவனே குவலயமும் ஆளும்வல்லன் தேடினேன் தேர்வீரர் கோடாகோடி திடமுள்ள துரகங்கள் ரதங்கள்மெத்த நாடினேன் போகருட கடாட்சத்தாலே நாடெல்லா மாளுமன்னன் நயந்துபாரே.

மேலும் ஒன்றையும் நான் பாடுகிறேன். கேட்பாயாக! பாம்பும் குருவும் குளிர்ச்சி மிக்க சந்திரன் அருகில் நிற்க ஒரு மனையில் இருப்பின் அச்சாதகன் இக்குவலயம் ஆளும் மன்னனே ஆவான். கோடானு கோடி தேர் வீரர்களுடன் நல்ல ஆஜானுபாகுவான குதிரைகளையும் (குதிரைப் படையையும்) மற்றும் ரதங்களையும் உடைய வெற்றி வீரன் என்று போகமா முனிவரின் அருளாணையால் புலிப்பாணி கூறினேன். 

ஐசுவரியம் நிறைந்த ஜாதகன்

ஐசுவரியம் நிறைந்த ஜாதகன்

பாரப்பா மேடமுதல் கடகம்மற்றும் பகருகின்ற கிரகங்கள் ளிருவராக ஆரப்பா அகங்கள் தனி லமர்ந்திருக்க அப்பனே அயிஸ்வரியம் மெத்தவுண்டு சீரப்பா செம்பொன்னும் ரதங்கள் மெத்த சிரந்ததொரு படைவீரர் கரிமாவுண்டு ஆரப்பா துலைபூமிக் கரசனாகி தொல்புவியில் வாழ்ந்திருப்பன் சூழ்ந்துபாரே.

இன்னுமொன்றும் கேள்! மேஷம் முதல் கடகம் வரை ஒவ்வொரு மனைவியரும் இவ்விருவராக (இரண்டிரண்டு பேராக) அமர்ந்திருக்க, அச்சாதகனுக்கு ஐசுவரியம் மிகவும் உண்டாம். சிறப்பு மிக்க பொன்னாபரணச் சேர்க்கையும், ரதங்களும் சிறந்த படைவீரர்களும் யானைப்படையும் கொண்டு நீதி வழுவாது தராசுபோல் இப்புவியில் புகழ்பரப்பி மன்னனாக வாழ்வான். 

பகைவருக்கு எமன்

பகைவருக்கு எமன்

அரைந்திட்டேன் நாலுபேர் கூடிநிற்க அப்பனே அதற்குமற் றோர்கள் நிற்க பரைந்திட்டேன் பாருலக மாளும்வல்லவன் பகருகின்ற சேனைரதம் கணக்கேயில்லை சிரந்திட்டேன் சிற்றரசர் மெத்தவுண்டு செகத்திலே பேருள்ள ராசனாகி குரைந்திட்டேன் கொடுமன்னர் எதிர்த்தாரானால் கூற்றுவனைப் போலிருப்பன் ஆறினேனே.

வேறொன்றையும் கூறுகிறேன் கேட்பாயாக! நாலு கிரகங்கள் கூடி நிற்க அவற்றுடன் மற்ற கிரகங்கள் உறவாய் நிற்க, அச்சாதகன் இந்நிலவுலகத்தை ஆளும் மன்னவன் என்றும் அவனது சேனை பலத்திற்கு அளவில்லை என்பதும், சிறந்த கப்பம் செலுத்தும் சிற்றரசர்கள் அவனுக்கு வெகுபேர் உண்டென்றும் என்றென்றும் நற்பேறும் புகழும் கொண்டு வாழ்வான் என்றும் இவனுக்கு எதிரிகள் இருப்பாரானால் அழிந்தொழிவர் என்றும்இவன் பகைவருக்கு எமன் போன்றவன் என்றும் போகமா முனிவரின் அருளாணையால் புலிப்பாணி புகன்றிட்டேன்.